أسـال عيــــونك ......حبيبى

بسم الله الرحمن الرحيم

:: أسال عيونك ::

الا يا سعـــد كل العــمر ألا يـــا غاية مـــــرامــي
ألا يا مــن أنا روحــي ترخص لـخاطــــر عيونك

ســـــراً كـــاتمه بقلبـــي أبـــوحه لـــك بأنظـــامي
أنا مــن يوم ما شفتـــك أســـرت الــروح بعيـونك

أنت لــدنيتــي عــشــقي وحبــي وكامـل غرامـــي
بصراحة مـــا أخبــي عليك أنــا مفتـون بعيونـــك

أشـوفك ويـــن ما مـــريت وأنـــت دوم قـــدامـــي
وكـــل عــيــن أطــــالعــــها أتخيــل أنا عــــيونك

وأنا صاحـــي تخيــلــتك وأشـــوفك دوم بمنـــامي
واحــســك دايم بقــربي تطالـــع عيني عيــــونك

ولي مـــن كنت بعز النوم أشـــوفك أنت بأحلامي
ولو تـــدري بشـــو أحلم والله بروعـــة عيــــونك

عيـــونك والله نـــور نهار عيونك هي بحر طامي
وأتـخــيــل ظــلام الليــــل كــــأنـــه مقلة عيــونك

عينـــك مــثــل حد السيف صقيلة وجرحـها دامي
يــا ويله ويــا سواد ليـــلـه باللــي تصيبه عيــونك

عيـونك سرها غامض عيــونك إعصـار سونامي
أنـــا أحلف وبحــياتي ســـر هــالكـــون بعيـــونك

رجيــتــك والأمــــل منــك تلبـــي غـــاية مرامي
إذا مـــو لخاطـــري دخلك تـلبـي لخاطر عيــونك

أريـــد أعــيش كل عمـــري وأمضي باقي أيامي
وحـيــد ولا أحـــد عندي سجيـــن بداخل عيــونك

أنا أدري ولـــو مسجـــون يطيب بعينـــك مقامـي
لأن الطيــب بك مركــز وكــل العطـــف بعيـونك

ألا يا أحـــمر الوجـــنات أيـــا تـفـــاح يـــا شـامي
رجيـتــك قـــول صــارحـني بهذا السحر بعيونك

إلي منــي نظــرت عليــك أقضي الوقت بأوهامي
أســولف بيــن خلق الله أهـــوذي بـس بعيـونــــك

كــنت أقــــول أنـــا شاعـــر واسلب ناس بكلامي
وأنــت اليـــوم بلا كلمة خطـفـت القــلــب بعيونك

أنا اشهـــد عشـان أوصف عيونك أقضي أعوامي
يمــر الوقـت ولا خطيت كلمة لــدامع عيونــــــك

وكــيـف أقــدر أنا أو صف وعينك ترمي سهامي
دخيلــك خفــف النظــرة دخيـــل الله مـــن عيونك

وتعــمل عملتــك وتــروح وكــأنك نا وي إعدامي
كــأنك مــا دريت اللــي ســوت بـيــه عــيــونـــك

ترحـــل في أمــان الله تـخــلــيــني وأنـــــا ضامي
يار يتك تروي الضمآن ولو دمعة من عيـــونــــك

فرحــت لشــوفتـــك أول وأعـيـش الآن بــأنــدامي
وأقــول يــاريــت ما شفتــك وعيـني جات بعيونك

مع الطير المهاجر كم أرســـل لأجلــك سلامـــــي
ومن عـيــوني بكل شـواق ســلام خـــاص لعيونك

عساك تعــود مـــن ثــاني وتشــفــي وهنة عظامي
ويـــن ألقــى دوى عــوقي غيــر إنه مـــن عيونك

تــعال وشـــوف وش حالــي تعال وشوف آلامــي
أبيك القـــول لا تصــدق تعــال وشــــــوف بعيونك

ولــي من جـيت تســألنـي عــن همومي وأسقامـــي
أقـــول لــك لا تكلــمــني لكــن أســأل عيــــــونــك