حل مشاكل الأعضاء

الي جميع أعضاء المنتدي بجد لو في حد فيكوا عنده اى مشكلة في حياتة ممكن يلجأ لآسرة المنتدي وأنا سوف أكون أول من يقوم بحل المشاكل الشخصية ولو في حد عنده مشكلة ومش عايز حد يعرفها ممكن يبعت مشكلتة في رسالة خاصة وأنشاء الله هارد عليه وربنا يقدرني وأحلهالة أنشاء الله

زائر

شكرا اوى يا ايسو

بص هي مشكلت واحده صحبتي ماشي
جائت هذه الدنيا بدون اراده جائت لتري قسوتها وتتعذب فيا
قد خدعها وخانها الاقارب انجرحت من اعز الناس
كانت تثق بالجميع
ولاكن حدث ما لا تتصوره
جائت احد الفتيات وافشت سرها وحدثت مشاكل كثيره
وبعدها عندما وجدت من تثق به ارادوا ان يبعدوها عن هذا الشخص
وها هي تصبر وتثق بالله ولكن ماذا تفعل
هل تبحث عن الموت وتذهب اليه بارادتها؟
ام تهرب مع من تحب وتترك هولاء الناس يتكلمون ما يتكلمون بعد ما خانها الجميع؟
فهي قد صبرت صبرا كثيرا حتي ظننت انها ستسبق ايوب عليه السلام.

زائر

يا نوسه انا عندى راى يمكن يكون الشخص دا مينفعش
و بعدين ان الهروب دا كان موضه و بطلت
و يا رب تعرفي الحل

اشكرك يا ايسو

بصي هو ممكن تكون صحبتك دي غلطانة في اشياء هي مش حساها
انه ممكن فعلا زي ماقالت دودو انه ميكنش يناسبها
وبعدين ممكن تكون البنت اللي قالت سرها دي اكيد كانت خايفة عليها
وعشان كده لجأت لاي حد عشان يساعدها
ياريت تكوني فهمتي كلامي كويس
وياريت الموضوع ده يتنسي بقي صدقيني زى ماقلتلك قبل كده
دي مش نهاية العالم ولا الأخرة الدنيا قدمنا كبيرة
واللي بيقرر الموت ده هو الله مفيش حد يقدر يحدد ده غيرة
وموضوع انها تنتحر ده موضوع مستحيل يحصل
لان الكلام كتير لكن وقت التنفيذ بيبقي صعب اوى انه يتنفذ
صعب علي البني ادم انه يقتل نفسه
ولو مكنش صعب يبقي من اكبر الحرام ان واحد يتقل نفسه
يبقي مات كافر واغضب ربنا منه والعياز بالله
وموضوع الهرب من اهلها معاه دي من اكبر الغلط
هاتجيب لاهلها العار وهاتجيب لنفسها المشاكل
وصدقيني في يوم من الأيام هتندم أشد الندم علي حاجه زي دي عملتها
في وقت مش هينفع فيه الندم أبدا
ياريت تنصحي صحبتك دي انها تنساه بالمرة وتفكر في حياتها اللي جاية
وتفكر قبل ما تعمل اي شئ ممكن تندم عليه طول عمرها
ياريت تكوني فهمتي كلامي وتوصليه لصحبتك
وربنا يوفقك ويوفقها