بلا عنوان

احنا بنتعامل مع معظم الناس على انهم موجودين معانا على طول واول لما حد بيضايقنا وخصوصا لو كان قريب مننا او لينا سلطه عليه بنعترض وممكن نكلمه بأسلوب مش لطيف

وده اللي بيحصل معانا في الواقع او في النت وممكن جدا يكون الشخص ده موجود معانا وفجأه يمكن بعد دقايق يفارقنا او يفارق الدنيا بحالها

انا هتكلم عن عضوة أثرت فيا بجد وهي كاتي كات او رومانسية

بجد حبيت وجودها معانا وردودها الساخره اللي محدش فينا قدر يفهمها ويعرف قصدها من الكلام

انا حسيت انها عانت كتير في المنتدى في صمت ومحبتش تشتكي لحد وبعد كده انسحبت بهدوء لأن مش هيبقى تعب اعصاب في المنتدى وبره المنتدى

انا حزينة جدا لفراقها وللاسف مش عارفه اتواصل معاها علشان مش معايا ايميلها

ومش بس كاتي اللي انا مضايقه لفراقها لا اعضاء كتير جدا منهم جولي (عالم فريد) و البرنس شيتوس و محبة الاسلام وغيرهم كتير

وفي الاخر احب اقول يا جماعه احنا مجتمعبن على الخير وياريت نفضل كده على طول ومحدش يسيبنا ويبعد وكل عضو فينا اكيد حصلتله مشاكل كتير واكيد في ناس بنتخدع فيهم مش بس عالنت بس في كل مكان لازم ندافع عن وجودنا مش ننسحب ونسيب ناس حبونا وحبيناهم

نفسي ترجع روح الهاوي زي الاول لو حد غاب الكل يسأل عليه نحس بجد اننا اخوات بمعنى الكلمه مش بس كلام انا بعتب على كل فرد من افراد الهاوي بجد ما عدا نيمو لأنها بتسأل دايما عن اي حد بيغيب

وصدقوني لو فضل وضع المنتدى كده كل شوية هنلاقي حد بيعتذر وبيسيبنا وبيمشي لأن مش احنا المنتدى الوحيد عالنت بس اللي بيميزنا عن غيرنا ان احنا اللي كنا عيلة بمعنى الكلمة واتمنى نبقى كده تاني وترجع الروح دي زي الاول